恭喜發財，恭祝大家身體健康，萬事如意。 昨天賀歲盃完成了首天賽事，山東魯能和鳥棲砂岩分别進入明天年初三的決賽，而奧克蘭城和香港賀歲盃選手隊會係頭場先踢季軍戰。
昨天其實我們香港選手隊的表現很好，很落力，拼勁十足，可惜上半場後防犯的一個錯誤，譲費托先攻入1球，雖然下半場有祖連奴的入球追成平手，但最後港隊係互射十二碼後飲恨落敗。
明天的決賽，相信各隊都會盡顯所能，爭奪冠，季軍，我個人睇好山東魯能，而鳥棲砂岩亦非常渴望奪盃，打響季前頭炮。 至於季軍戰，我們香港選手隊和奧克蘭城將會有惡鬥，因為大家實力相差不大，為了面子大家都不想包尾，相信這場比賽也會很刺激。
昨日下午兩點開始，已經見到很多球迷開開心心地入場，有老，中，青和小朋友，也見到一些外國球迷，我主動同佢地打招呼，更有些球迷和我一起拍照留念。
另外在中場時間的EDM表演非常有氣氛，強勁的音樂令球迷都很投入，有些企起來起舞，有幾位球迷更因為跳舞出色而獲得手機，美容按摩器，運動服等獎品，令現場增添不少歡笑聲，明天我們將會繼續，大家一齊嚟睇波，跳舞，在新年假期輕鬆一下吧。
Search